Жалби

Имам проблеми со My Aged Care

Имате право да дадете коментар или да поднесете жалба во врска со информациите или услугите што ги добивате од My Aged Care.

1. Најнапред контактирајте со My Aged Care

Јавете се на My Aged Care заради разговор за вашите проблеми и побарајте да ви помогнат. Ако вашиот проблем не биде решен со тој повик, ќе добиете референтен број на жалба [complaint reference number] за да следите што се случува со вашата жалба. Користете го тој референтен број при секое следно комуницирање со My Aged Care. 

Опции за контакт заради поднесување жалба:

• Телефон: 1800 200 422
• По пошта: My Aged Care Complaints, PO Box 1237, Runaway Bay, QLD 4216

За жалби поднесени по пошта, од My Aged Care ќе ви се јават во рок од 10 до 14 работни дена по приемот на жалбата. Тогаш ќе ви биде даден референтен број на жалбата.

2. Не сте задоволни од резултатот?

Ако не сте задоволни со добиениот одговор, пратете имејл со детали од вашата жалба и референтен број на myagedcaresupport@health.gov.au.
 

Имам проблеми со мојата процена

Имате право да изразите незадоволство во врска со вашата процена, вклучувајќи го резултатот на процената. 

1. Најнапред контактирајте со вашиот проценител [assessor]

Контактирајте со вашиот проценител или организација за процени заради разговор за вашето незадоволство и побарајте да помогнат да се реши прашањето. Тие ќе имаат сопствен процес за разгледување на жалби кој вие ќе треба да го следите. Ако не ги знаете нивните податоци за контакт, My Aged Care може да ви ги даде.

2. Не сте задоволни со резултатот? 

Ако не сте задоволни со одговорот што го добивте, јавете се на My Aged Care на 1800 200 422.
 

Не се согласувам со одлуката од мојата сеопфатна процена

Имате право да ја оспорите одлуката од процената наведена во вашето писмо за одобрување [approval letter].

1. Најнапред контактирајте со вашиот проценител

Ако не се согласувате со резултатот на процената или сакате да разговарате за кое било прашање во врска со одлуката, контактирајте со вашиот проценител или организација за процена.

2. Не сте задоволни? Побарајте преразгледување (review) на одлуката (бесплатно)

Ако и натаму не сте задоволни, може бесплатно да побарате преразгледување на одлуката со писмо до Secretary of the Australian Government Department of Health and Aged Care. Во писмото наведете зошто мислите дека одлуката треба да биде променета. Вашето писмо мора да биде пратено во рок од 28 дена по добивањето на вашето писмо за одобрување.

Поштенска адреса: 

The Secretary
Department of Health and Aged Care
Attn: Single Assessment System Program Reconsiderations
GPO Box 9848
ADELAIDE SA 5001

3. И натаму има проблеми? Побарајте второ преразгледување на одлуката (се наплатува)

Ако не се согласувате со одлуката на преразгледувањето од страна на секретарот, може да се обратите на Administrative Review Tribunal, но тоа се наплатува. Повеќе информации има на веб-страницата на Administrative Review Tribunal.
 

Имам проблеми со пресметката на трошоците за мојата нега на стари лица или околу писмото што го добив од Services Australia

Services Australia може да ви рече колку ќе плаќате за пакетот на домашна нега [Home Care Package] што го финансира владата или за место во старски дом. За да го направат тоа, тие ги земаат предвид информациите за вашите приходи и имот. Потоа ќе ви пратат писмо во кое ве известуваат колку ќе платите за трошоците за вашата нега на стари лица.

Ако имате прашања или проблеми околу пресметувањето на вашите трошоци за нега на стари лица, треба да контактирате со Services Australia. Исто така може да закажете состанок со Aged Care Specialist Officer [специјализиран службеник за нега на стари лица].

Има повеќе начини на кои можете да дадете повратни информации за услугите што ги добивате од Services Australia. Дознајте како да поднесете жалби и повратни информации.

Ако добивате исплата врз основа на средства [means tested payment] од Department of Veterans’ Affairs [Министерството за прашања на ветераните] (DVA), треба да контактирате со DVA.
 

Имам проблеми со мојот давател на услуги 

Имате право да се жалите во врска со кој било аспект на негата и услугите што ги добивате од давател на услуги платен од Австралиската влада. 

1. Најнапред контактирајте со вашиот давател на услуги

Без оглед дали сте незадоволни со квалитетот на вашата нега, односот на вработените кон вас, точноста на вашите сметкопотврди или изборот на активности што ви ги нуди вашиот давател на услуги, првиот чекор, ако не се чувствувате непријатно, е да контактирате директно со вашиот давател на услуги. Разговарајте со давателот за вашите проблеми за да видите дали можат да го решат вашиот проблем. Секој давател на услуги има свој процес на разгледување на жалби што треба да се следи.

2. Не сте задоволни од резултатот?

Ако не сте задоволни со одговорот од вашиот давател на услуги, може да поднесете жалба на Aged Care Quality and Safety Commission онлајн или на телефон 1800 951 822. Секој може да поднесе жалба и услугата е бесплатна Жалба може да поднесете анонимно, во доверба или отворено. Со Комисијата може да контактирате дури и ако не сте најнапред разговарале со вашиот давател на услуги.
 

Ме загрижува малтретирањето на постари лица 

Јавете се на националната линија 1800 ELDERHelp (1800 353 374) (бесплатни повици) за да разговарате со некого за потенцијално или актуелно малтретирање на старо лице. Оваа служба нуди информации како да побарате помош, поддршка и упати. Секоја држава и територија дава информации за малтретирање и спречување на малтретирање, како и корисни контакти и опции за добивање помош:

Добивање помош за поднесување на жалба

The Older Persons Advocacy Network [Мрежа за застапување на постари лица] (OPAN) 

Мрежата за застапување на постари лица (OPAN) нуди помош за разрешување на проблеми и жалби во ваше име. Тие исто така нудат поддршка на луѓе изложени на малтретирање на стари лица. Оваа помош е бесплатна, независна и во доверба.
 
Прочитајте повеќе на нашата Advocacy page на веб-страницата на OPAN.
 

Други начини вашата жалба да ја кренете на повисоко ниво 

Commonwealth Ombudsman [Федерален правобранител]

Ако и натаму не сте задоволни со резултатот или за тоа како е разгледувана вашата жалба откако сте го следеле релевантниот процес за жалби, може да контактирате со Commonwealth Ombudsman. 

За повеќе информации видете на веб-страницата или јавете се на 1300 362 072.

Department of Health and Aged Care – Пријавување на сомневање за измама

Ако се сомневате дека некој измамува при давање или добивање на услуга на нега на стари лица, ве поттикнуваме тоа да го пријавите на министерството. Пример на измама може да биде кога е издадена сметка за услуга на нега на старо лице, а услугата не е дадена.

Сомневање за измама може да пријавите со:

• пополнување на Report suspected fraud form [образецот за пријавување на сомневање за измама] на веб-страницата на Министерството за здравство и нега на стари лица
• јавување на дежурната линија за измами [Fraud Hotline] на Министерството за здравство и нега на стари лица на 1800 829 403, од 9 наутро до 5 попладне по австралиско источно стандардно време (AEST), од понеделник до петок; или
• праќање имејл со податоци на reportfraudorcorruption@health.gov.au.

Повеќе информации за измами и како да се пријават има на веб-страницата на Министерството за здравство и нега на стари лица.
 

Комуникациски услуги

The Translating and Interpreting Service [Службата за писмено и усно преведување] (TIS) е на располагање ако ви треба помош или сакате да комуницирате на јазик што не е англиски.

За повеќе информации ве молиме јавете се на My Aged Care on 1800 200 422 (од понеделник до петок меѓу 8 наутро и 8 навечер и во сабота од 10 наутро до 2 попладне) и ние ќе организираме преведувач кој ќе ни помогне да одговориме на вашите прашања.

Исто така може да се јавите на 131 450. TIS покрива повеќе од 160 јазици и е достапен 24 часа дневно, седум дена во неделата, по цена на локален повик.

TIS ќе организира преведувач да ви помогне да разговарате со My Aged Care.

Оваа страница е последен пат ажурирана на 9-ти декември 2024 година.