Ilmenti

Għandi tħassib dwar My Aged Care

Għandek id-dritt li tipprovdi feedback jew tagħmel ilmenti dwar l-informazzjoni jew is-servizz li tirċievi minn My Aged Care.

1. L-ewwel ikkuntattja lil My Aged Care 

Ċempel My Aged Care biex tiddiskuti t-tħassib tiegħek u staqsi għall-għajnuna tagħhom. Jekk it-tħassib tiegħek ma jiġix solvut  skont dak li titlob inti tingħata numru ta' referenza tal-ilment biex issegwi l-progress tal-ilment tiegħek. Uża dan in-numru ta' referenza għal kwalunkwe komunikazzjoni futura ma' My Aged Care.

Għażliet ta' kuntatt biex jitressaq ilment:

• Telefown: 1800 200 422
• Posta: My Aged Care Complaints, PO Box 1237, Runaway Bay, QLD 4216

Għal ilmenti mibgħuta bil-posta, għandek tirċievi telefonata minn My Aged Care fi żmien 10 sa 14-il gurnata minn meta Jasall-ilment. Numru ta' referenza tal-ilment se jiġi pprovdut f'dan il- waqt. 

2. Mhux sodisfatt bir-riżultat? 

Jekk m'intix sodisfatt bir-risposta li tirċievi, ibgħat email bid-dettalji tal-ilment tiegħek u n-numru ta' referenza lil myagedcaresupport@health.gov.au.
 

Għandi tħassib dwar il-valutazzjoni tiegħi

Għandek id-dritt li tesprimi t-tħassib tiegħek dwar l-esperjenza tal-valutazzjoni tiegħek, inkluż ir-riżultat tad-deċiżjoni tal-valutazzjoni tiegħek. 

1. L-ewwel ikkuntattja lill-assessur tiegħek

Ikkuntattja lill-assessur jew lill-organizzazzjoni tal-valutazzjoni tiegħek biex tiddiskuti t-tħassib tiegħek u staqsi għall-għajnuna tagħhom biex issolvi l-kwistjoni. Huma għandhom l-proċess tal-ilmenti tagħhom stess li jkollok bżonn issegwi. Jekk ma tafx id-dettalji ta’ kuntatt tagħhom, My Aged Care tista’ tagħtihom lilek.

2. Mhux sodisfatt bir-riżultat? 

Jekk m'intix sodisfatt bir-risposta li tirċievi, ċempel My Aged Care fuq 1800 200 422.
 

Ma naqbilx mad-deċiżjoni ta' valutazzjoni komprensiva tiegħi 

Għandek id-dritt li tikkontesta d-deċiżjoni ta' valutazzjoni deskritta fl-ittra ta' approvazzjoni tiegħek.

1. L-ewwel ikkuntattja lill-assessur tiegħek

Jekk ma taqbilx mar-riżultat tal-valutazzjoni, jew trid tiddiskuti xi kwistjonijiet dwar id-deċiżjoni, ikkuntattja lill-assessur jew lill-organizzazzjoni tal-valutazzjoni tiegħek.

2. Mhux sodisfatt? Itlob għal reviżjoni tad-deċiżjoni (mingħajr ħlas)

Jekk għadek mhux sodisfatt, tista' titlob għal reviżjoni tad-deċiżjoni mingħajr ħlas billi tikteb lis-Secretary of the Australian Government Department of Health and Aged Care. Fl-ittra tiegħek, iddeskrivi għaliex taħseb li d-deċiżjoni għandha tinbidel. L-ittra tiegħek trid tintbagħat lis-Segretarju fi żmien 28 jum minn meta tirċievi l-ittra ta’ approvazzjoni tiegħek.

Indirizz postali: 

The Secretary
Department of Health and Aged Care
Attn: Single Assessment System Program Reconsiderations
GPO Box 9848
ADELAIDE SA 5001

3. Għad għandek tħassib? Itlob għat-tieni reviżjoni tad-deċiżjoni (se jkun hemm ħlas)

Jekk ma taqbilx mal-eżitu tar-reviżjoni tas-Segretarju, tista’ tmur il Administrative Review Tribunal [Tribunal ta’ Reviżjoni Amministrattiva], iżda jkun hemm ħlas. Sir af aktar fuq il-websajt tal Administrative Review Tribunal website.
 

Għandi tħassib dwar il-kalkolu tal-ispejjeż tiegħi tal-kura tal-anzjani, jew ittra li rċevejt mingħand Services Australia 

Services Australia jista’ jgħidlek kemm ser tħallas b’kollox tal -kura fid-Dar iffinanzjat mill-gvern jew post f’dar tal-kura tal-anzjani. Biex jagħmlu dan, huma jużaw l-informazzjoni dwar id-dħul u l-assi tiegħek. Imbagħad jibagħtulek ittra biex jgħidulek kemm ser tħallas għall-ispejjeż tal-kura tal-anzjani tiegħek.

Jekk għandek mistoqsija jew tħassib dwar il-kalkolu tal-ispejjeż tal-kura tal-anzjani tiegħek, għandek tikkuntattja lil Services Australia. Tista' wkoll tibbukkja appuntament ma' Aged Care Specialist Officer [Uffiċjal Speċjalist fil-Kura tal-Anzjani].

Hemm għadd ta' modi kif tista' tipprovdi feedback dwar is-servizz li rċevejt mingħand Services Australia. Skopri kif tipprovdi lmenti u feedback.

Jekk tirċievi ħlas skont l-assi u d-dħul tiegħek mid-Department of Veteran’s Affairs [Dipartiment tal-Affarijiet tal-Veterani] (DVA), għandek tikkuntattja lid-DVA.
 

Għandi tħassib dwar il-fornitur tas-servizz tiegħi 

Għandek id-dritt li tagħmel ilment dwar kwalunkwe aspett tal-kura u s-servizzi li tirċievi mingħand fornitur tas-servizz sussidjat mill-Gvern Awstraljan.

1. L-ewwel ikkuntattja lill-fornitur tas-servizz tiegħek

Kemm jekk int imħasseb dwar il-kwalità tal-kura tiegħek, kif tiġi ttrattat, mill-istaff l-eżattezza tal-fatturi tiegħek jew l-għażla tal-attivitajiet ipprovduti mill-fornitur tal-kura tal-anzjani tiegħek, l-ewwel pass, jekk tħossok komdu, huwa li tikkuntattja tas-servizz tiegħek direttament. Iddiskuti t-tħassib tiegħek magħhom biex tara jekk jistgħux jgħinu biex issolvi l-kwistjoni tiegħek. Kull fornitur tas-servizz għandu l-proċess tal-ilmenti tiegħu stess li jsegwi.

2. M’intix sodisfatt bir-riżultat?

Jekk m’intix sodisfatt bir-rispons tal-fornitur tas-servizz tiegħek, tista’ tagħmel ilment lill-Aged Care Quality and Safety Commission online jew billi ċċempel 1800 951 822. Kulħadd jista’ jagħmel ilment u s-servizz huwa b’xejn. Tista' tilmenta b'mod anonimu, kunfidenzjali jew fil-miftuħ. Tista' tikkuntattja lill-Kummissjoni anki jekk ma tkunx kellimt mal-fornitur tiegħek l-ewwel.
 

Għandi tħassib dwar l-abbuż tal-anzjani 

Ċempel il-linja nazzjonali 1800 ELDERHelp (1800 353 374) (telefonata bla ħlas) biex tkellem lil xi ħadd dwar abbuż potenzjali jew attwali fuq l-anzjani. Dan is-servizz jipprovdi informazzjoni dwar kif tista’ tikseb għajnuna, appoġġ u riferimenti. Kull stat u territorju  jipprovdu informazzjoni dwar l-abbuż u l-prevenzjoni tal-abbuż, kif ukoll kuntatti u għażliet utli biex tinkiseb għajnuna:

Ikseb għajnuna biex tagħmel ilment

The Older Persons Advocacy Network (OPAN) 

The Older Persons Advocacy Network (OPAN) jipprovdi appoġġ biex jgħin issolvi t-tħassib u l-ilmenti f'ismek. Huma jipprovdu wkoll appoġġ għal nies li qed jesperjenzaw abbuż fuq l-anzjani. Din l-għajnuna hija b'xejn, indipendenti u kunfidenzjali.
 
Aqra aktar fuq il-paġna tagħna ta' Advocacy jew żur il-websajt tal-OPAN.
 

Modi oħra kif teskala l-ilment tiegħek 

Commonwealth Ombudsman [Ombudsman tal-Commonwealth]

Jekk għadek m'intix sodisfatt bir-riżultat jew bl-immaniġġjar tal-ilment tiegħek wara li ssegwi l-proċess rilevanti tal-ilmenti, tista' tikkuntattja h lill-Ombudsman tal-Commonwealth. Żur il-websajt għal aktar informazzjoni jew ċempel 1300 362 072.

Department of Health and Aged Care – Rappurtar ta’ suspett ta’ frodi

Jekk tissuspetta li xi ħadd huwa involut fi frodi fl-għoti jew kif jingħata a' servizz ta' kura tal-anzjani, inħeġġuk biex tirrapporta dan lid-dipartiment. Eżempju ta' frodi jista' jinkludi fejn persuna anzjana tkun ġiet iċċarġjata għal servizz ta' kura tal-anzjani li ma kienx ipprovdut.

Tista' tirrapporta frodi suspettata billi:

• timla l-formola ta’ Report suspected fraud form [Formola ta’ rapport suspettat ta’ frodi] fuq il-websajt tad-i Department of Health and Aged Care website
• iċċempel lid-Department of Health and Aged Care Fraud Hotline fuq 1800 829 403, mid-9am sal-5pm AEST, mit-Tnejn sal-Ġimgħa; jew
• jibgħat email l bid-dettalji il reportfraudorcorruption@health.gov.au.

Aktar informazzjoni dwar il-frodi u kif tirrapporta tinsab fuq il-websajt tad-Department of Health and Aged Care.
 

Servizzi ta' komunikazzjoni

Is-Translating and Interpreting Service [Servizz ta' Traduzzjoni u Interpretazzjoni] (TIS) huwa disponibbli jekk għandek bżonn għajnuna jew tixtieq tikkomunika b'lingwa oħra għajr l-Ingliż.

Għal aktar informazzjoni, jekk jogħġbok ikkuntattja My Aged Care fuq 1800 200 422 (mit-Tnejn sal-Ġimgħa 8am-8pm u s-Sibt 10am-2pm) u aħna nqabbdu interpretu biex jgħinna nwieġbu l-mistoqsijiet tiegħek.

Tista' wkoll iċempel lil TIS fuq 131 450. TIS ikopri aktar minn 160 lingwa uhuwa isponibbli 24 siegħa kuljum, sebat ijiem fil-ġimgħa bil-prezz ta' telefonata lokali.

TIS se torganizza interpretu biex jgħinek titkellem ma' My Aged Care.

Din il-paġna ġiet aġġornata fid-9 ta' Diċembru 2024.